KRYTARI I KMSH-së VIZITË ZYRTARE NË EGJIPT

Me ftesë të Myftiut të Egjiptit, z. Sheuki Ibrahim Al-Lam, Kryetari i Komunitetit Mysliman të Shqipërisë, H. Bujar Spahiu, po merr pjesë në konferencën e organizuar nga Myftinia e Egjiptit me temë “Institucionet e Fetvasë në Epokën Digjitale – Sfidat e Zhvillimit dhe Mekanizmat e Bashkëpunimit”, e cila po mbahet në Kajro, 2-3 gusht 2021.

Në këtë konferencë marrin pjesë mbi 85 delegacione të institucioneve fetare nga shtete të ndryshme të botës.Në ditën e parë të konferencës, Kryetari Spahiu dhe një pjesë e kryesuesve të delegacioneve, u pritën edhe nga presidenti i Republikës Arabe të Egjiptit, Abdulfetah el-Sisi.

Kryetari Spahiu shoqërohet në këtë vizitë zyrtare në Egjipt nga këshilltari i tij Prof. Dr. Xhemal Saferti dhe Myftiu i Gramshit, z. Ermir Gjana.